2015 جىلعى 2 شىلدە, استانا قالاسى
ماقتا قولحاتتارى بويىنشا مىندەتتەمەلەردىڭ ورىندالۋىنا كەپىلدىك بەرۋ قورلارىنىڭ قىزمەتى مەن ولاردىڭ تاراتىلۋ قاعيدالارىن بەكىتۋ تۋرالى
«ماقتا سالاسىن دامىتۋ تۋرالى» 2007 جىلعى 21 شىلدەدەگى قازاقستان رەسپۋبليكاسى زاڭىنىڭ 7-بابىنىڭ 18) تارماقشاسىنا سايكەس بۇيىرامىن:
1. قوسا بەرىلىپ وتىرعان ماقتا قولحاتتارى بويىنشا مىندەتتەمەلەردىڭ ورىندالۋىنا كەپىلدىك بەرۋ قورلارىنىڭ قىزمەتى مەن ولاردىڭ تاراتىلۋ قاعيدالارى بەكىتىلسىن.
2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ وسىمدىك شارۋاشىلىعى ونىمدەرىن ءوندىرۋ مەن قايتا وڭدەۋ جانە فيتوسانيتاريالىق قاۋىپسىزدىك دەپارتامەنتى زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ اۋىل شارۋاشىلىعى ءمينيسترى ا. مامىتبەكوۆ
«كەلىسىلگەن» «كەلىسىلگەن»
قازاقستان رەسپۋبليكاسىنىڭ قازاقستان رەسپۋبليكاسىنىڭ
قارجى ءمينيسترى ۇلتتىق ەكونوميكا ءمينيسترى
______________ ب. سۇلتانوۆ ________________ ە. دوساەۆ
2015 جىلعى 11 تامىز 2015 جىلعى 7 تامىز
قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 2 شىلدەدەگى
№ 4-5/604 بۇيرىعىمەن بەكىتىلگەن
ماقتا قولحاتتارى بويىنشا مىندەتتەمەلەردىڭ ورىندالۋىنا كەپىلدىك بەرۋ قورلارىنىڭ
قىزمەتى مەن ولاردىڭ تاراتىلۋ قاعيدالارىن بەكىتۋ تۋرالى
1. جالپى ەرەجەلەر
1. وسى ماقتا قولحاتتارى بويىنشا مىندەتتەمەلەردىڭ ورىندالۋىنا كەپىلدىك بەرۋ قورلارىنىڭ قىزمەتى مەن ولاردىڭ تاراتىلۋ قاعيدالارى (بۇدان ءارى – قاعيدالار) «ماقتا سالاسىن دامىتۋ تۋرالى» 2007 جىلعى 21 شىلدەدەگى قازاقستان رەسپۋبليكاسىنىڭ زاڭىنا سايكەس ازىرلەندى جانە ماقتا قولحاتتارى بويىنشا مىندەتتەمەلەردىڭ ورىندالۋىنا كەپىلدىك بەرۋ قورلارىنىڭ قىزمەتى مەن ولاردىڭ تاراتىلۋ ءتارتىبىن ايقىندايدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1) قاتىسۋشى – قورمەن قاتىسۋ شارتىن جاساسقان جانە قولدانىستا بولاتىن ماقتا قولحاتتارىن بەرە وتىرىپ, قويما قىزمەتى جونىندەگى قىزمەتتەر كورسەتۋگە ليتسەنزياسى بار ماقتا وڭدەۋ ۇيىمى;
2) ماقتا قولحاتتارى بويىنشا مىندەتتەمەلەردىڭ ورىندالۋىنا كەپىلدىك بەرۋ قورى – ماقتا وڭدەۋ ۇيىمدارىنىڭ وزدەرى بەرگەن ماقتا قولحاتتارى بويىنشا مىندەتتەمەلەرىن ورىنداماۋىنان ماقتا قولحاتتارىن ۇستاۋشىلاردىڭ قۇقىقتارى مەن زاڭدى مۇددەلەرىن قورعاۋدى قامتاماسىز ەتۋ ماقساتىندا ءوز قىزمەتىن جۇزەگە اسىراتىن زاڭدى تۇلعا (بۇدان ءارى – قور نەمەسە قورلار).
2. قورلاردىڭ قىزمەتى مەن ولاردىڭ تاراتىلۋ ءتارتىبى
3. ۇيىمداستىرۋشىلىق-قۇقىقتىق نىسانى اكتسيونەرلىك قوعام بولىپ تابىلاتىن كوممەرتسيالىق ەمەس ۇيىم قور (قورلار) بولىپ تابىلادى.
4. قور (قورلار) ءوز قىزمەتىن كوممەرتسيالىق ەمەس ۇيىمدار تۋرالى جانە اكتسيونەرلىك قوعامدار تۋرالى قازاقستان رەسپۋبليكاسىنىڭ زاڭنامالىق اكتىلەرىنىڭ, وسى قاعيدالاردىڭ جانە قۇرىلتاي قۇجاتتارىنىڭ نەگىزىندە جۇزەگە اسىرادى.
5. قوردىڭ (قورلاردىڭ) نەگىزگى مىندەتتەرى مىنالار بولىپ تابىلادى:
1) ماقتا وڭدەۋ ۇيىمدارىنىڭ وزدەرى بەرگەن ماقتا قولحاتتارى بويىنشا مىندەتتەمەلەرىن ورىنداماۋىنان ماقتا قولحاتتارىن ۇستاۋشىلاردىڭ قۇقىقتارى مەن زاڭدى مۇددەلەرىن قورعاۋدى قامتاماسىز ەتۋ;
2) ماقتا قولحاتتارى بويىنشا مىندەتتەمەلەردىڭ ورىندالۋىنا كەپىلدىك بەرۋ جۇيەسىن دامىتۋ.
6. قوردى (قورلاردى) باسقارۋ ورگاندارىن قالىپتاستىرۋ ءتارتىبى جانە ولاردىڭ قۇزىرەتى قوردىڭ (قورلاردىڭ) قۇرىلتاي قۇجاتتارىندا ايقىندالادى.
7. قوردىڭ (قورلاردىڭ) كىرىستەرى العا قويعان ماقساتتار مەن مىندەتتەرگە قول جەتكىزۋ ءۇشىن ونىڭ دامۋىنا عانا باعىتتالادى.
8. ءاربىر قوردىڭ (قورلاردىڭ) كەپىلدىك تولەمدەرىنە ارنالعان وتەۋ رەزەرۆىنىڭ مولشەرى قاتىسۋشىلاردىڭ ماقتا قولحاتتارى بويىنشا مىندەتتەمەلەردىڭ ورىندالۋىن قامتاماسىز ەتۋ ءۇشىن جەتكىلىكتى بولۋى جانە كەمىندە ءبىر ميلليارد تەڭگە سومانى قۇراۋى ءتيىس.
9. ءاربىر قوردىڭ (قورلاردىڭ) وتەۋ رەزەرۆتەرى ونى قۇرۋ كەزىندە قاجەتتى جارعىلىق كاپيتالدى قالىپتاستىرۋعا قاراماستان قالىپتاستىرىلادى.
10. قاتىسۋشىلاردىڭ جارنالارى مىندەتتى تۇردە وتەۋ رەزەرۆىن تولىقتىرۋعا جىبەرىلەدى.
11. ماقتا قولحاتىن ۇستاۋشىلاردىڭ تالاپتارىن قامتاماسىز ەتۋ ماقساتىندا قوردىڭ (قورلاردىڭ) مەنشىك كاپيتالى مولشەرىنىڭ كەمىندە 80%-ى تۇراقتى نەگىزدە وتىمدىلىگى جوعارى قارجى اكتيۆتەرىنە (اقشا, ەكىنشى دەڭگەيدەگى بانكتەردەگى دەپوزيتتەر, باعالى قاعازدار) ورنالاستىرىلادى.
12. ادىلەت ورگاندارىندا مەملەكەتتىك تىركەلگەن كۇننەن باستاپ ءبىر ايدان كەشىكتىرمەيتىن مەرزىمدە قور (قورلار) ماقتا سالاسىن دامىتۋ بويىنشا ۋاكىلەتتى ورگانعا وزدەرىنىڭ مەملەكەتتىك تىركەلۋىن راستايتىن قۇجاتتاردى, قۇرىلتاي قۇجاتتارىن, سونداي-اق وتەۋ رەزەرۆىنىڭ مولشەرى تۋرالى مالىمەتتەردى ۇسىنادى.
13. قور (قورلار) بۇقارالىق اقپارات قۇرالدارىندا وزدەرىنىڭ قۇرىلعاندىعى تۋرالى حابارلامانى جانە ماقتانى قايتا وڭدەۋ ۇيىمدارىنا ءتيىستى قورعا (قورلارعا) قاتىسۋعا ۇسىنىستار جاريالايدى.
14. قاتىسۋشىلار ءوز مىندەتتەمەلەرىن ورىنداماعان نەمەسە تيىسىنشە ورىنداماعان جاعدايدا قور (قورلار) ماقتا قولحاتىن ۇستاۋشىلاردىڭ الدىندا قازاقستان رەسپۋبليكاسىنىڭ ازاماتتىق زاڭناماسىنا سايكەس سۋبسيديارلىق جاۋاپتىلىقتا بولادى.
15. قور (قورلار) وسى قاعيدالاردىڭ 16-تارماعىنىڭ تالاپتارىن ەسكەرە وتىرىپ, 2001 جىلعى 16 قاڭتارداعى «كوممەرتسيالىق ەمەس ۇيىمدار تۋرالى» جانە 2003 جىلعى 13 مامىرداعى «اكتسيونەرلىك قوعامدار تۋرالى» قازاقستان رەسپۋبليكاسىنىڭ زاڭدارىندا بەلگىلەنگەن تارتىپپەن تاراتىلۋى مۇمكىن.
16. قوردى (قورلاردى) باسقارۋ ورگاندارىنىڭ قوردى (قورلاردى) ەرىكتى تۇردە تاراتۋ تۋرالى شەشىمى قوردىڭ (قورلاردىڭ) كەپىلدىكتەرى اياقتالعاننان كەيىن نەمەسە قاتىسۋشى وسى قور (قورلار) بەرىپ, كەپىلدەندىرگەن ماقتا قولحاتتارى بويىنشا مىندەتتەمەلەردى تولىق ورىنداعاننان كەيىن عانا قابىلدانۋى مۇمكىن.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 9 قىركۇيەكتە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12040 بولىپ ەنگىزىلدى.